Tuesday, January 21, 2014

බස්නාහිරින් පායන හිරු

.

නැගෙතත් අවර ගිරගින් දිනකර...............මඬල
සැලෙතත් සුනෙර පවනින් සෙදෙතත්....... අනල
පිපෙතත් ගිරි මුදුන් සෙල් වල..............පියුමුපුල
බොරු නැත්තේමය මහතුන් පැවසූ.........තෙපුල

සුභාෂිතයේ එන ඔය කවියෙන් කියවෙන්නෙ බස්නාහිරෙන් ඉර පෑව්වත් මහත්තුරු බොරු කියන්නෙ නෑ කියල. හැබැයි නෝනලනම් හරීඊයට බොරු කියනවා.

දේශපාලනයට ඕනෙ කරන මූලික සුදුසුකමක් තමයි බොරු කියන එක. හිරුණිකා නෝනා කෙනෙක් හින්දා එයාට ඒ සුදුසුකම හොඳටම තියෙනවා.

 හිරුණිකාට ජය වේවා !!!

ප.ලි
====
1 . මේක අනාවැකියක්. හිරුණිකා කවද හරි ලංකාවෙ ජනාධිපති වෙනවා.  
හැබැයි ඒ වෙන්නෙ මෙයින් අවුරුදු 38කින් පස්සෙ නැගෙනහිර පළාතෙන් බිහි වෙලා දැහැමෙන් සෙමෙන් , දශරාජධර්මයෙන් රට පාලනය කරන්න නියමිත මහා පුරුෂයාගේ පාලන කාලයට කලින්.  මෙන්න ඒ මහා පුරුෂයා ගැන අනාවැකිය.

2. ඔය "නැගෙතත් අවර ගිරගින්..." කියන කවිය මගේ බ්ලොග් එකේ පල කරපු දෙවෙනි වතාව මේ. පළවෙනි වතාවත් අනාවැකියක් ගැන.

[ 21 - Jan - 2014 ]

Saturday, January 18, 2014

කන කැස්බෑවා

මේ කියන්න යන්නෙ පහුගිය කාලෙ ආන්දෝලනයට ලක්වෙච්ච සුදු කැස්බෑවා ගැන නෙවෙයි. මේ ලිපිය ඇවිල්ලා කන කැස්බෑවො ගැන. කන කැස්බෑවො කිවුවෙ අර හොරෙන් හොරෙන් මසට මරන් කන කැස්බෑවො ගැන නෙවෙයි. අර විය සිදුරෙන් අහස බලන කණ කැස්බෑවා ගැනත් නෙවෙයි. ( ඒ කැස්බෑවට තියෙන්නෙ මුර්දජ "ණ" යන්නක් නෙ  ). මේ ඇවිල්ලා හපා කන කැස්බෑවො වර්ගයක් ගැන.

ලෝකෙ ඉන්න භයානකම කැස්බෑවො වර්ගයක් තමයි කිඹුල් කැස්බෑවා (Alligator snapping turtle) . මෙයාගෙ භයානක කම වචනෙන් විස්තර කරනවට වඩා පින්තූරයකින් පෙන්නන එක ලේසියි. මේ ඉන්නෙ සතා.


පේනව නේද යක්ෂ පෙනුම. මේ කැස්බෑවගෙ සපාකෑම සත්ව ලෝකයේ ප්‍රබලම සපාකෑම් වලින් එකක්ලු.  මිනිහෙක්ගෙ ඇටකටු කුඩු වෙන්න හපාකන්න පුලුවන්ලු මෙයාට.


 හපා කන්නම ඕනෙ නෑ. කොහොමද මෙයින් එක්කෙනෙක්ව පෑගුණොත් ? පේනව නේද පිටේ තියෙන උල් උල්.


පේනව නේද කටේ ලොකු ?


භයංකාර නියපොතු


පැටිය කාලෙනම් චූටිම චූටියි
හරි හුරතල්
චූටි නැස්ටකුත් Have


ලොකු වෙද්දි සද්ධන්ත වෙනවා


ශුඩු ඛිඹුල් කැෂ්භෑවොත් ඉන්නෝ

මෙයාල ජීවත් වෙන්නෙ මුහුදෙ නෙවෙයි. මෙයාල ඇවිල්ලා මිරිදිය කැස්බෑවො වර්ගයක්. වාසනාවකට වගේ ලංකාවෙ මේ වර්ගෙ කැස්බෑවො නෑ. හැබැයි දකුණු ඇමරිකාවෙ සංචාරයක යනවනම් මිරිදිය ජලාශ වලට, දියපාරවල් වලට එහෙම බහින්නෙ පරිස්සමින්.

මෙයාලගෙ තව පින්තූර බලන්න ඕනෙනම් "Alligator snapping turtle" කියල  Google Image Search එකක් කරන්න Youtube වල මෙයාල හපා කන හැටි පෙන්නන වීඩියෝත් තියෙනෝ.

ප.ලි.
===

සිංගප්පූරුව පැත්තෙ යනවනම් බලන්න Chinese Garden එකේ කැස්බෑ එකතුවෙ මෙයාලගෙන් එක්කෙනෙක් හිටියා. ( 2011 දි. දැන්නම් ඉන්නවද දන්නෙ නෑ ).

[ 18 - Jan - 2014 ]

Thursday, January 2, 2014

මේ ගෝනා කොයින්දෝ ? - රෝස කැලෙන් ඇහින්දෝ !!!



අහල ඇතිනෙ නත්තල් සීයා නෝටි නැති ළමයින්ට තෑගි බෝග දෙන්න එන්නෙ පිණි මුවෝ 8 දෙනෙක් බැඳපු හිම කරත්තෙක කියල. හැබැයි ඉතින් ඒ හිම තියෙන පිණි මුවෝ ඉන්න රටවල් වල. ලංකාවෙ හිමවත් පිණි මුවෝවත් නැහැනෙ. ඉතින් ලංකාවෙ නත්තල් සීයා තෑගි බෙදන්න යන්නෙ ගෝන්නු 8 දෙනෙක් බැඳපු කරත්තෙකින්ලු. හැබැයි මේ පාර පොඩි අකරතැබ්බයක් වෙලා. පොඩි අතපසුවීමක් හින්දා එයින් එක ගෝනෙක්ව ආපහු එක්ක යන්න බැරි වෙලා.

ඒ අතරමං වෙච්ච ගෝනා අද උදේ අපේ වත්තට ආවා. බොරු නෙවෙයි ඇත්තම ඇත්ත. ඒ ආපු ගෝනා මගේ ඇස් පනාපිටම වගා ලිඳකට වැටුණා. මෙන්න බලන්න පින්තූර.


මේ අහල පහල කොහේවත් ගෝන්නු ජීවත් වෙන බවක් කවුරුත් අහල නෑ. ගෝනෙකුට ජීවත් වෙන්න පුලුවන් තරම් ලොකු කැලෑවකුත් ලඟපාතක නෑ. ඉතින් ඇත්තටම හිතා ගන්න බෑ මේ ගෝනා කොහෙන්ද ආවෙ කියල. උන්හිටි ගමන් ගහෙන් ගෙඩි එන්නා වගේ කඩා පාත් වෙලා ජබොක් ගාලා ලිඳට වැටුනම හිතා ගන්න බැරි වුණා මේ මොකෙක්ද කියල. මුලින්ම හිතුවෙ හරකෙක් කියල. ඒත් බලනකොට මුවෙක්ගෙ වගේ ඔලුව. ඒත් මුවෙක්ගෙ වගේ නෙවෙයි පාට. මුවෙක්නම් ඉතින් තිත් තිත් තිත් තියෙන්න එපැයි. අනික මෙයා සෑහෙන සද්ධන්තයි.


ඇත්තටම මෙයා ගෝන අම්ම කෙනෙක්. බඩේ බබෙකුත් ඉන්න එක්කෙනෙක්. මේ වගා ලිඳ එච්චර ගැඹුරු නැති වුණාට මෙයාට තුවාල වෙලා තිබ්බ හින්දයි බඩේ ඉන්න බබා හින්දයි වෙන්න ඇති මෙයාට උත්සාහ කළාට මේකෙන් ගොඩ එන්න පුලුවන් කමක් තිබ්බෙ නෑ.

ඉතින් අපි ඉක්මනින්ම පොලීසියටයි ,වනජීවී සංරක්ෂණ දෙපාර්තමේන්තුවටයි, පශුවෛද්‍ය කාර්යාලයටයි දුරකතන පණිවිඩ දුන්නා. ටෙලිෆෝන් එකෙන් කිවුවට පොලීසියෙ අය මුලින්ම විශ්වාස කලෙත් නෑ ගෝනෙක් වැටිල ඉන්නව කියල. මොකද මේ අහල පහල ගෝන්නු නැති නිසා. ඒ නිසා තාත්තට පොලීසියට ගිහින්ම පොලිස් අංකල් කෙනෙක්ව එක්ක එන්න වුණා.

ඔය අතරෙදි ගෝනෙක් ඇවිත් කියන ආරංචිය පැතිරිලා එයාව බලන්න කට්ටිය එක් රොක් වෙන්න පටන් ගත්තා. ඒ ආපු  සමහර අය එක එක ක්‍රම යොදල ගෝන අම්මව ගොඩට ගන්න උත්සාහ කළා . ඒකෙන් ගෝන අම්මා හොඳටම බය වුණා. හොඳ වෙලාවට ග්‍රාමනිලධාරිතුමා ඉක්මනින්ම එතනට ඇවිත් පොලීසියෙන් එනතුරු එක් රොක් වෙච්ච සෙනඟ පාලනය කර ගත්තා. වනජීවී සංරක්ෂණ දෙපාර්තමේන්තුවෙන් උපදෙස් ලැබුනේ ඒ අය එනතුරු මොකුත් කරන්න උත්සාහ කරන්න එපා කියන එකයි. ගෝන අම්මව කලබල නොකර ඒ ඉන්න විදිහටම ඉන්න දෙන්න කියල ඒ අය කිවුවා.




පොලීසියෙන් ඇවිත් මිනිස්සුන්ට එන්න බැරි වෙන්න ලණු වලින් අදාල ප්‍රදේශය වට කරලා වනජීවී සංරක්ශන දෙපාර්තමේන්තුවෙ අය එනතුරු ගෝන අම්මගෙ ආරක්ෂාව තහවුරු කළා. 

අපිට කිට්ටුම වනජීවී සංරක්ෂණ කාර්යාලය තියෙන්නෙ කිලෝමීටර් 50කටත් එහා රන්දෙණිගල. එහේ ඉඳන් වනජීවී නිලධාරීන්ට එන්න තවත් පැය 2ක් විතර ගත වුණා. 

මෙන්න ඒ අය ඇවිත් ගෝන අම්මව ගොඩ ගන්න උත්සාහ කරන ආකාරය.





සෑහෙන පරිශ්‍රමයකින් පස්සෙ ගෝන අම්මව ගොඩට ගත්තා. මුලින්ම ලිඳේ ඉද්දිම බෙල්ලට කඹයක් දාලා එයාගෙ ඉස්සරහ කකුල් 2 කඹේකින් එකට ගැටගැහුවා. ඊට පස්සෙ ගොඩට ඇදල ගන්න අතරතුරේ පිටිපස්සෙ කකුල් දෙකත් එකට ගැටගැහුවා. ඊට පස්සෙ කකුල් 4ම එකට එකතු වෙන්න තව පාරක් ගැටගැහුවා. මේ දේවල් කරද්දි ගෝන අම්මා මරබයේ ලතෝනි දුන්නා. 

ඊට පස්සෙ ඉනිමඟක් මැස්සක් වගේ හදල ඒක උඩ පටවල ගෝන අම්මව වනජීවී අයගෙ වාහනේට උස්සගෙන ගියා. මේ තියෙන්නෙ එ අරගෙන යන විදිහ.




ගෝන අම්මව බලන්න සෑහෙන පිරිසක් එක් රොක්වෙලා හිටියා. ඉස්කෝලෙ ළමයි ගුරුවරුත් එක්ක ඇවිත් හිටියා. සමහර මුදලාලිලා කඩවල් එහෙමත් වහල දාලා ගෝන අම්මව බලන්න ආවා.




මේ ඉන්නෙ එක් රොක් වූ දහස් සංඛ්‍යාත ජනකායෙන් කොටසක්

ගෝන අම්මව එක්කන් ගිහින් තුවාල වලට බෙහෙත් කරලා බබාව හම්බ වුණාට පස්සෙ කැලේට යවයි. සමහර විට නත්තල් සීයටම ආයෙ බාර දෙයිද දන්නෙත් නෑ.

සංස්කරණය නොකළ වීඩියෝ දර්ශන 
========================

video

video

video

video

video

video

video

video


[ 02 - Jan - 2014 ]