Kaspersky තොග අවසන් කිරීමේ මහා දන්සැල

අද අපේ School එකේ තිබුනා Kaspersky Antivirus 2009 තොග අවසන් කිරීමෙ මහා දන්සැලක් තිබ්බා. 2010 ඒවා එන හින්දා ඒවා stock කරගන්න ඉඩකඩ හදා ගන්න එපැයි. බලන්න , ලංකාවෙ ජංගම දුරකථන සමාගම් SIM බෙදන දර්ශනයකට ටිකක් විතර සමානයි නේද ?

CD එක 2009 වුනාට ඒකත් එක්ක දීපු Activation Code එක නම් 2010 එක්කත් Valid . CD බෙදන ගමන් Kaspersky එකේ අයියලා අපිට උපදෙස් දුන්නා CD එකෙන් install කරන්න එපා 2010 installer එක Download කරලා ඒකෙන් install කරගන්න කියලා. CD එක ලස්සනට තියා ගන්නලු.

ඉතින් මමත් පෝලිමෙ ගිහින් එකක් ගත්තා. මම ඉතින් ගත්තෙ 1යි. ( වැඩිය කඩන නරක ළමයි හෙම නොවෙයි අපී... ) . එතන හිටපු අයියලාටනම් ඒ වෙලාවෙම තැන්කියූ කිවුවා. ඔන්න කැස්පර්ස්කි අංකල්ටත් බ්ලොග් එක හරහා තැන්කියූ කියනවා.

මම අදයි දැනගත්තෙ , කැස්පර්ස්කි අංකලුත් අපේ පුටින් අංකල් වගේම KGB එකේ කෙනෙක්ලු.

Eugene Kaspersky - Founder of Kaspersky Lab

[ 21 - Aug - 2009 ]

Cyber පැල්කවි

මේ ලබුත් තිත්ත කාලෙ පැල් රැකිල්ලත් ඔන්ලයින් වෙලා. මමත් මේ පැල් රැකිල්ලට ඇබ්බැහි වෙලා. ගෙඩි ටික හොරුන්ගෙන් බේර ගන්න ඕනෙ හින්දා මමත් වෙලාව (Timing) තියාගෙන පැල් රැකගෙන ඉන්නවා.

මේ තියෙන්නේ මගේ හේන.

ගෙඩි ටික හොරුන්ගෙන් බේරා ගන්න මම කරන වැඩේ තමයි ටයිමිංග් තියාගෙන ඉන්න එක. ගෙඩි කඩාගන්න ඉතුරු වෙලාව පැයකට වඩා අඩු වෙච්ච ගමන් පෝර දානවා. එතකොට මැජික් එකකින් වගේ ගෙඩි ටික එක පාර හැදෙනවානෙ. එතකොටම කඩා ගන්නවා. හැබැයි ඉතින් වෙන වැඩ යෙදිලා ටයිමිංග් වැරදුනාමනම් සොරි.කොම්.

බවුවෙක් හිටියා කියලා ඒකා කරන දෙයක් නැහැ වගේ. කකා බිබී ඉන්නවා විතරමයි. ඒකට කිකිළි, රත්තරන් බිත්තරත් දානවා. හැබැයි බිත්තර දම්මන්න පොඩ්ඩක් කිචිකවන්න ඕනෙ.

හික් හික්, මම විතරක් නෙවෙයි මූණු පොතේ ගොඩාක් අය මේ පැල් රැකිල්ලට ඇබ්බැහි වෙලා වගේ. ඔන්න මගෙන් සයිබර් පැල්කවි සාහිත්‍යයට .

හැදෙන හැදෙන ගෙඩි හොරු අරගෙන............යනවෝඕඕඕඕ.....
බලු පැටියා කෑම නැතුව........................වේලෙනවෝඕඕඕඕ.....
වල් පැල සහ ආගන්තුක..........................කුරුමිණියෝඕඕඕඕ.....
බාන් බඩී හේනේ මම පැල්............................රකිනෝඕඕඕඕ.....

මගේ හේනෙ වල් පැලයි කුරුමිණියොයි හිටපු නැති හින්දා අල්ලපු හේනකින් මේ ෆොටෝ එක ගත්තෙ. වල් පැලයි කුරුමිණියොයි දැම්මෙත් මමමමයි ;-)

[ 17 - Aug - 2009 ]

මැර ප්‍රහාර හෙළා දකිමි ( මු )

ට්වීටරේට සහ මූණු පොතට එල්ල වූ පිළිකුල් සහගත බියගුළු DDoS ප්‍රහාරය තරයේ හෙළාදකිමි [ I Condemn the recent DDoS Attack against Facebook and Twitter ]

ලබ්බට තිබ්බ අත පුහුලටත් තියන්න බැරි නැහැලුනෙ .
බ්ලොගර් (Google Blogger) වලටත් ප්‍රහාරයක් එල්ලවෙනවාදෝ කියාල සැකයි.
මේ පෝස්ට් එක ලියන වෙලාවෙ බ්ලොගර් වල ගොඩාක් දේවල් වැඩ නැහැ.

උදා: Text Formatting, Photo Uploading , Saving as Draft etc වැඩ නැහැ.

මේ බලන්නකෝ වැඩේ බරපතලයි වගේ :(

කැඩෙන ප්‍රවෘත්ති
===========
බ්ලොගර් ගැන පහුගිය පැය 24 ඇතුලත අන්තර්ජාලයට එකතු වෙච්ච සටහන් සමහරක්
Breaking news -- Some Web Search results for Last 24 Hrs about Blogger .

1. http://forums.digitalpoint.com/showthread.php?t=1446891
2. http://www.google.com/support/forum/p/blogger/thread?tid=7d3de5a32b6f0e6b&hl=en

ආ ආ මේක දැන් හම්බ වුනේ. අනේ අපේ බ්ලොගර්ටත් වැඩේ දීල වගේ :'(

http://www.webpronews.com/topnews/2009/08/06/twitter-facebook-google-team-up-after-attacks

[ 07 - Aug - 2009 ]

මකර රජදහන දේශ සීමා වලින් පිටතට !!!

2009 ජුලි 25 වෙනිදා සිට මකර රජදහනේ පරිපාලන කටයුතු තාවකාලිකව ශ්‍රී ලංකාවේ දේශ සීමා වලින් පිටත සිට ක්‍රියාත්මක කරන බව නිල වශයෙන් දැනුම් දෙන්නයි මේ පෝස්ට් එක ලියන්නේ.

ජුලි 25 වෙනිදා මම සිංගාරප්පුවට යනවා. ( අපේ අක්කාගේ දෝණි බබා චූටි කාලෙ සිංගප්පූරුව කියන්න බැරුව කිවුවෙ සිංගාරප්පුව කියලා )

MerLion

මට වැඩිදුර අධ්‍යාපන කටයුතු සඳහා සිංගප්පූරු ජාතික විශ්ව විද්‍යාලයේ ( National University of Singapore ) පරිගණක පාසලෙන් ( School of Computing ) ශිෂ්‍යත්වයක් හම්බ වුනා.

ජුලි 30 වෙනිදා ජාත්‍යන්තර ශිෂ්‍යයන් සඳහා සිංග්ලිෂ් ( Singlish ) පිළිබඳව වැඩමුළුවක් තියෙනවා කියලා දන්වලා එවලා තියෙනවා. හහ් .. බලමු අපි නොදන්න සිංග්ලිෂ් මොනවද කියල . නේද ?

NUS Crest

Links :

1. MerLion2. National University of Singapore
3. NUS School of Computing
4. Singlish
5. A Singlish Dictionary

[ 20 - JULY - 2009 ]

උප සංස්කෘතිය

උපුටා ගැනීම E06 Works™ කැලෑ සන්නිය චිත්‍රපටයෙන්

කැලෑ සන්නිය(2008) කියන්නේ ශ්‍රී ලාංකේය සුරංගනා කතා කලාවට නව සම්ප්‍රදායක් එකතු කරපු පෙරළිකාර චිත්‍රපටියක්. මේකෙන් අදහස අරගෙන තමයි සුප්‍රකට ප්‍රහසන වැඩසටහන් මාලාවක් වූ අපි නොදන්න ලයිව් (ALa) වල සුරංගනා කතා Item එක පටන් ගත්තෙත්.

සම්පූර්ණ චිත්‍රපටියම බලන්න කැමතිනම් මූණු පොතේ Fans of "Kelae Sanniya" group එකට Join වෙන්න.

[ 19 - JULY - 2009 ]

කේන්තියට පුම්බන්න

කේන්ති ගියාම 1 ඉඳන් 100ට ගණන් කරන්න කියනවා අහලා ඇති නේද? කේන්ති ගියාම කරන්න පුළුවන් තවත් දෙයක් තමයි මේ .

බැලුම් බෝලයක් අරගෙන පිපිරෙනකම්ම පුම්බන්න. නිතරම කේන්ති එන අය බැලුම්බෝල කීපයක් නිතරම ලඟ තබා ගැනීම නුවණට හුරුයි ( Panadol වගේ ).

මේකෙ තියෙන වාසියක් තමයි , කවුරු හරි බැලුම් බෝලයක් පුම්බනවා ඈතදිම දැකලා මාරු වෙලා යන්න පුළුවන් වීම. ගණන් කරනවා ඈතට අඳුරා ගන්න අමාරුයිනෙ.

මේ බලන්නකෝ මෙයාට කේන්ති ගිහින් තියෙන තරම

Note:

මේක මගේම අදහසක් . පේටන්ට් ගන්නෙ නැහැ . Free & Open Source . Test කරලා Bugs තියෙනවානම් කියන්න.

[ 18 - JULY - 2009 ]

බලය බෙදා හැරීම

මේ දවස් වල 13 වෙනි ව්‍යවස්ථා සංශෝධනය ට අදාළ බලය බෙදීම ගැන ගොඩාක් කතා වෙනවනෙ. 13 කියන්නෙ අශුභ අංකයක් හින්දා ඒක 13+ කරන්න යනවා කියලා කතාවකුත් තියෙනවා. ඉතින් ඔය බලය බෙදීම ගැන සිදුවන කතාබහ හින්දා මට පරණ සිද්ධියක් මතක් වුනා.

අපේ ඉංජිනේරු උපාධිය සම්පූර්ණ කිරීමේ සුදුසුකමක් විදිහට තාක්ෂණික විෂයයන්ට අමතරව වෙනත් පොදු විෂයයන් (General Electives) Credits 15 කට ඉගෙන ගන්න ඕනෙ. (1 Credit = 15 Lecture Hours). කළමනාකරණය, සමාජ විද්‍යාව, දේශපාලනය , සංගීතය, චිත්‍ර හා මූර්තිකරණය වගේ දේවල් තමයි Generel Electives වලට අයිති. හැබැයි මේ විෂයයන් සමත් වීම පමණයි අවශ්‍ය. මේවා GPA ( Z-Score වගේ එකක් ) ගණනය කරන්න පාවිච්චි කරන්නෙ නැහැ. ඒක නිසා ගොඩක් දෙනා මේ විෂයයන් වලට A, A+ එහෙම ගන්න උත්සාහ කරන්නෙ නැහැ. C, C+ වගේ එකක් අරගෙන යන්තම් සමත් වෙන ගානට තමයි මහන්සි වෙන්නෙ.

අපි ඉගෙන ගත්ත එක විෂයයක් "ශ්‍රී ලංකාවේ දේශපාලනය" (Poitical Issues in Sri Lanka) . ඒකෙ ප්‍රධාන වශයෙන් තිබ්බෙ ශ්‍රී ලංකාවෙ ආණ්ඩුක්‍රම ව්‍යවස්ථාව, මැතිවරණ ක්‍රමය, සහ දේශපාලන ගැටළු ගැන.

අපි ඔය විෂය ඉගෙන ගත්තෙ 2005 ජනාධිපතිවරණය කැඳවලා තිබුණු කාලෙ. ඉතින් ලෙක්චර්ස් වලදි එකම ගාලගෝට්ටියක්. වාද විවාද ගොඩායි. හැබැයි හරිම විනෝදජනකයි. මැතිවරණ උණුසුම අස්සෙනෙ ඉගෙන ගන්නෙ.

ඔයින් මෙයින් ඒ Subject එකේ Exam එකත් ආවා. අපේ එක යාළුවෙක් ඒ විෂයට ලියාපදිංචි වෙලා තිබුණත් එකම ලෙක්චර් එකකටවත් ඇවිත් නැහැ. විභාගෙ කාලසටහන ගැන දැනගෙන ඉඳලත් නැහැ . ඉතින් අන්තිම මොහොතේ විනාඩි 5 ක විතර ක්ෂණික පුනරීක්ෂණයක් කරගෙන තමයි විභාගෙට ගියේ. ඉතින් අපේ යාලුවාට විභාගයට ගියාට මේ විෂය කළුද සුදුද කියලවත් අදහසක් තිබිලා නැහැ.

විභාගෙට අහලා තිබුණු එක ප්‍රශ්නයක් තමයි "ශ්‍රී ලංකාවේ බලය බෙදා හැරීමේ ව්‍යුහයන් විස්තර කරන්න" (Explain the Structures for devolution of Power in Sri Lanka ) කියන එක. අපේ මේ යාළුවා විදුලි ඉංජිනේරු විෂය ධාරාව හදාරපු කෙනෙක්. ඉතින් එයාට Power කියන වචනෙ දැකපු ගමන් මතක් වෙලා තියෙන්නෙ විදුලි බලය. ඉතින් එයා ලංකාවෙ විදුලි බලාගාර වල පිහිටීම, ඒවායේ ධාරිතා , ඒවා එකිනෙක සම්බන්ධ කරන හැටි , ඉදිරියේදි හදන්න තියෙන බලාගාර වගේ දේවල් ගැන පිටු ගාණක් පුරා ඇට්ටි හැලෙන්න ලියලා.

අපිට ඔය කියන විෂය ඉගැන්නුවෙ කලා පීඨයෙන් ආපු කථිකාචාර්යවරු. අපේ යාළුවාගේ උත්තරය ගැන කලා පීඨයේ රස කර කර කතා වුණාලු. අපේ පීඨයේ කථිකාචාර්ය වරුන්ටත් වටින් ගොඩින් ආරන්චි වෙලා, මාර ලැජ්ජාවක් වුණේ.

කොහොම හරි පවු කියල හිතල වෙන්න අන්තිමට අපේ යාළුවාට C එකක් දීලා තිබුණා.

[ 18 - JULY - 2009 ]

සෑම ගෙදරකම සිටිය යුතු සත්තු දෙන්නෙක්

මතකද ගිය පාර ජනාධිපතිවරණයේදි එක්තරා අපේක්ෂකයෙක් පොරොන්දුවක් දුන්නා එතුමා ජනාධිපති වුනොත් සෑම ගෙදරකටම එළදෙනක් දෙනවා කියලා. ඔන්න මීලඟ ජනාධිපතිවරණයටත් ඒ වගේ සත්ත්ව පොරොන්දුවක් දෙන්න අවස්ථාවක් පෑදිලා.

පොරොන්දුව:

සෑම ගෙදරකටම ගෙම්බෙක් සහ පූසෙක් !!!

ගෙම්බාව දෙන්නෙ මදුරුවො මර්ධනය කරන්න. අපිට මොකටද කියුබානු බැක්ටීරියාවො. අපි අපේම ක්‍රමයකට මදුරුවො මර්දනය කරමු!. ඉදිරියේදී මී උණ සහ මහාමාරිය වසංගතය පැතිර යාමේ අවධානමක් තියෙන බවට අනතුරු ඇඟවීම් ඇවිල්ලා තියෙනවා. පූසාව දෙන්නෙ ඒ ප්‍රශ්නෙට පිළියමක් විදිහට.

හැබැයි ඉතින් කොයිකටත් කියලා ගෙම්බාටයි පූසාටයි, අත් දිග කමීසෙකුයි කකුල් දිග කලිසමකුයි අන්දවල තියන්න නම් වෙයි.

ඉස්සර සුද්දන්ගෙ රජ කාලෙ බලු බද්දක් තිබ්බලුනෙ. ඒ වගේ ගෙඹි සහ පූස් බද්දක් දාලා මහා භාණ්ඩාගාරයේ දෑත් ශක්තිමත් කර ගන්නත් පුළුවන් වෙයි.

කොහොමද ටිකිරි මොළේ !!

[ 15 - JULY - 2009 ]

Chrome ට මනාපයක්

මම ඉතින් මකර අධිරාජයා හින්දා පූසලා, බව්වලා, නයාලා,නරියලා,කොටියලා ඇතුළු සියලු සත්වයන් වෙනුවෙන්ම පෙනී සිටින්න එපැයි. ඒක හින්දා මම අන්තර්ජාලයට සම්බන්ධ වෙනකොට පාවිච්චි කරන්නෙ ගිනි නරියා බ්‍රවුසරය.

හැබැයි මේ වෙබ් සයිට් එක දැක්කා ට පස්සෙ නම් නරියාට නැතුව Chrome ට මනාපයක් දෙන්නම වුනා. නරියාගෙනුයි Chrome ගෙනුයි වෙන වෙනම මේකට ගිහින් වෙනස බලා ගන්නකො. කොයිකටත් ඉස්සෙල්ල නරියගෙන් ගිහින් දෙවෙනියට Chrome ගෙන් යන්න. නැත්තන් නරියා මගෙත් එක්ක තරහා වෙයිනෙ.

මෙන්න වෙබ් සයිට් එකේ ලිපිනය.

http://home.comcast.net/~wolfand

ඕක බලලා ඉවර වෙලා නිවාඩු පාඩු තියෙන වෙලාවක මෙතනටත් ඇවිත් Comment එකක් දාල යන්නකො ;-)

[ 15 - JULY - 2009 ]

අනේ මෙහෙම හදිස්සියක්

හදිසි නීතිය තවත් මාසෙකින් දීර්ඝ කරලා කියලා කියනවා ඇහුනා. ඒකනම් ඉතින් අලුත් දෙයක් නෙවෙයිනෙ. ඒක ඉතින් මතක ඇති කාලෙ ඉඳන් හැම මාසෙකට වතාවක්ම ඇහෙන ප්‍රවෘත්තියක් බවට පත් වෙලානෙ.

අනේ මන්දා , මේ මැති සබයේ ඉන්න මාමල නැන්දලා හැම මාසෙකටම එක දවසක් නාස්ති කරනවනෙ ඔය වැඩේට. අනික පාරවල් එහෙමත් වහලා බොහොම හදිස්සියෙන් තමයි මැතිසබයට යන්නෙ. මෙහෙම හදිස්සියක් තියගෙන රට සංවර්ධනය කොරන්නෙ කොහොමද හැබෑට ?

හදිස්සියට කොරස් කටේවත් අත දාගන්න බැරිලුනෙ. ( කොරස් කටේ විතරක් නෙවෙයි හදිස්සියට මකර කටේ වුනත් අත දා ගන්න බැහැ. හුඹස් කටේ නම් පුළුවන්ද වෙයිද මන්දා )

මැටිසබය

[ 12 - JULY - 2009 ]